Vil du vere med å forme framtida til næringslivet i Sogn og Fjordane?

Drivkraft skal stimulere til omstilling og innovasjon, bygge sterke nettverk og bidra med risikokapital. Gjennom investeringar i nye idear, vekst og vidareutvikling vil stiftinga vere ei drivkraft for innovasjon og næringsutvikling.

Vi søkjer dagleg leiar

Som dagleg leiar i Drivkraft vil du ha ansvar for å leie og utvikle stiftinga i samsvar med vedteken strategi og mål. Du vil utvikle, implementere og følge opp investerings- og utviklingsstrategiar, samt arbeide for å bygge sterke relasjonar og samarbeidsarenaer med næringsliv, offentlege aktørar og innovasjonsmiljø. Du vil vere ein viktig representant for Drivkraft, og jobbe for å styrke stiftinga sin profil og påverknad.

I tillegg vil du ha ansvar for å rapportere til styret og sikre god forvaltning av stiftinga sine midlar og verdiar.

Kven er du?

Vi ser etter ein initiativrik og strategisk leiar. Du har stor gjennomføringsevne og eit sterkt engasjement for regional utvikling. I tillegg til dette har du gjerne:

• Relevant erfaring frå næringslivet, gjerne innan innovasjon, strategi og næringsutvikling
• Kjennskap til økosystemet for gründerverksemd og verkemiddelapparatet
• God forretningsforståing og evne til å vurdere og følgje opp investeringar
• Erfaring med å utvikle og byggje nettverk, samarbeid og varige relasjonar
• Gode kommunikasjonsferdigheiter

Vi tilbyr

Vi tilbyr ei nøkkelrolle med stor påverknadskraft for næringsutvikling i Sogn og Fjordane. Som dagleg leiar vil du jobbe tett på eit dynamisk næringsliv, som gir deg tilgang til eit breitt nettverk av spennande aktørar. Du vil få moglegheit til å bidra til varig verdiskaping i regionen, samstundes som du arbeider nært eit engasjert styre som vil gi deg både fridom og støtte for å lukkast.

I tillegg tilbyr vi konkurransedyktige vilkår og ei fleksibel kontorløysing i regionen.

Er dette ei reise du vil vere med på?
Vi vil gjerne høyre frå deg!