Fotballkretsen lanserer “Grønt Arrangement”

Denne veka lanserte NFF Sogn og Fjordane prosjektet Grønt Arrangement, som skal inspirere, hjelpe og belønne fotballklubbar og idrettslag til å ta gode miljøval og prioritere miljøet på sine arrangement. Det var Sparebankstiftinga som utfordra fotballkretsen, som aldri var i tvil om at dette var ei utfordring dei både måtte og ønskte å ta. Sparebankstiftinga har finansiert prosjektet, men også NFF Sogn og Fjordane har lagt inn betydeleg med ressursar for å få prosjektet på beina.

NFF Sogn og Fjordane har, saman med pilotklubbar og gode samarbeidspartnarar,  utarbeidd ei “verktøykasse” som fotballen (og etter kvart alle idrettslag) kan ta i bruk for å starte/styrkje sitt miljøarbeid. Med auka miljøfokus og gjennomføring av enkle miljøtiltak kan vi saman redusere miljøavtrykket vårt betydeleg i aktivitet og på arrangement.  Dette er også heilt i tråd med norsk idrett sine uttalte mål om å bidra til å nå FN sine bærekraftmål og redusere klimagassutslepp med 50% innan 2030.

“Grønt arrangement” fokuserer på miljøtiltak innan fem områder:

– innkjøp
– mat og servering
– avfall
– transport
– energi

Vi i Sparebankstiftinga synst òg det er viktig at miljøarbeidet blir motivert ute i klubbane. Satsinga vil ta høgde for at den einskilde klubb/idrettslag får økonomisk bidrag til å kunne prioritere arbeidet. Difor vil det følgje med eit motivasjonstilskot for klubbane som deltar i prosjektet. Sparebankstiftinga vil også vurdere å følgje opp med ytterlegare gåver til miljøtiltak i klubbane/idrettslaga som ikkje ligg inne i “pakken”.

Les meir om satsinga på NFF Sogn og Fjordane sine nettsider