Styret i Sparebankstiftinga har vedteke at vi ønskjer å vidareføre satsinga frå Førde, kor klatreparken vi gav gåve til har vore ein kjempesuksess. Vi har allereie løyvd ei gåve til ein tilsvarande klatrepark i Jølster no i haust, og har satt i gong ei kartlegging blant dei andre kommunane i fylket for å få oversikt over kor mange som ønskjer ein klatrepark i sin kommune.
Klatreparken i Førde kom i stand gjennom teiknekonkurransen “Barnegåva” i Firda i fjor haust, kor alle born i Sunnfjord vart inviterte til å teikne forslag til å gjere Førde sentrum betre for dei. Stiftinga, kommunen og Firda ønskte gjennom konkurransen å inkludere dei yngste i tenking kring sentrumsutvikling. Det vart ein kanonsuksess, og Firda fekk inn heile 233 teikningar frå born i alderen 2-12 år. Juryen, med Førde-ordførar Olve Grotle i spissen, fall for to av teikningane: Ulrik Nielsen (8) sitt Klatrefjell og Andreas Skålvik (11) sitt Blyantleikestativ. I tillegg til å vere flotte teikningar, var desse bidraga òg svært typiske: mange av dei innsendte teikningane var kring same tema (klatring og leikestativ).
Etter at vinnarane vart kåra, satte vi i gong med å tolke og konkretisere “bestillinga”, og resultatet vart altså klatreparken med både “blyantar” og det store “klatrefjellet”, og i september kunne ordføraren endeleg offisielt opne klatreparken i Førde. Men allereie under byggeprosessen myldra det av ungar i klatreparken, og sidan då har parken berre fortsett å myldre med entusiastisk aktivitet frå “born i alle aldrar”…
Det gjekk heller ikkje lang tid før spørsmåla byrja å kome frå andre stader i fylket om vi kunne bygge fleire. Og det vil vi gjerne! Vi har difor løyvd pengar til den neste parken allereie; den blir på Skei i Jølster. I tillegg har vi spurt alle dei andre kommunane om dei òg ønskjer ein tilsvarande klatrepark.
Det er fleire grunnar til at vi har retta spørsmålet til kommunane først. Den mest openberre er at tiltaket treng ein utbyggjar som kan ta ansvar for vedlikehald i mange år framover, og som har ei tomt på ein offentleg og sentral plass i kommunen som ein kan nytte til føremålet. Kommunane kan òg søkje om spelemidlar, dersom tiltaket er inkludert i kommunedelplanar for fysisk aktivitet. Men om kommunane evt. ønskjer å gjennomføre tiltaket via eller saman med lokale partnarar, er vi opne for å diskutere dette med kvar einskild kommune.
Men spørsmålet alle lurer på no, er sjølvsagt “NÅR kjem det klatrepark der EG bur?” Og då må vi ærleg svare at det veit vi ikkje enda. Men stiftinga har byrja med kartlegginga av kor mange kommunar som ønskjer klatrepark; og så må både vi og kommunane få litt tid på å ordne med formalitetar og praktisk tilrettelegging. Men Sparebankstiftinga ønskjer i alle fall å følgje opp med gåver til dei neste klatreparkane allereie til våren. Så håper vi nokre av kommunane er klare til å setje spaden i jorda så snart snøen smeltar…
Vi deler ut 11,4 millionar kroner – sjå kven som får gåver her!
/i Ymse /av paalSparebankstiftinga Sogn og Fjordane deler ut allmennyttige gåver frå utbytet i Sparebanken Sogn og Fjordane, og denne gåverunden deler vi ut meir pengar enn nokonsinne.
Sparebankstiftinga sitt styre fordelte midlane allereie 23. mai, og gåvemottakarane fekk gladmeldinga i dagane etter dette. Men i høve Sparebankforeningen sitt 100-årsjubileum har vi samordna offentleggjeringa av gåvetildelinga til i dag 12. juni. Heile 230 millionar kronar i gåvemidlar over heile landet vert dermed offentleggjort i dag. Les meir om dette på sparebankene.no
Nedanfor finn du heile lista over gåvetildelingane frå Sparebankstiftinga Sogn og Fjordane så langt i år. (NB desse finn du altså ikkje på oversikta vår over Tildelte Gåver – men der finn du gåvetildelingane frå tidlegare år.)
Gåvetildeling forseinka
/i Ymse /av paalPå grunn av stor saksmengd har styret i stiftinga utsett saka om gåvetildeling i kategori “fullstendig søknad” (over 10.000 kroner) til 22. mai.
Som kjent har stiftinga lova svar på søknadane i kategori “fullstendig søknad” (om gåver over 10.000 kroner; med søknadsfrist 1. mars) i løpet av ca 8 veker. Diverre heldt ikkje tidsskjemaet denne gåverunden, og styret treng noko meir tid på å handsame søknadane.
Så veldig lange stunda blir det ikkje å vente; neste styremøte er beramma til 22. mai. Ein kan dermed vente å få svar på søknadane fredag 23. mai.
Søknadar i kategori “forenkla søknad” (inntil 10.000 kroner; med løpande søknadsfrist) vert ikkje råka av endringa, og ein kan som vanleg vente svar på desse søknadane i løpet av ca 4 veker.
PS svar på søknadar blir sendt på epost til epostadressene ein oppgav i søknaden. Saknar du svar eller lurer på kor saka står, kan du kontakte administrasjonen i stiftinga.
For ordens skuld nemner vi at utsetjinga ikkje får konsekvensar for evt. tiltak med oppstart før 22. mai: søknad skal vere innsendt før oppstart; men tiltaket kan igangsettast (eller gjennomførast) før svar på søknad ligg føre.
13 millionar til allmennyttige gåver i år!
/i Ymse /av paalSparebankstiftinga sitt øvste organ Generalforsamlinga vedtok 10. april å dele ut 13 millionar kroner til allmennyttige gåver i 2014, som (igjen) er ny rekord.
Sparebankstiftinga Sogn og Fjordane fekk eit utbyte frå Sparebanken Sogn og Fjordane for 2013 på 33 millionar kroner. I tråd med stiftinga sine vedtekter og strategiplan skal pengane nyttast til allmennyttige gåver i fylket, samt å bygge opp eit gåvefond slik at stiftinga kan dele ut gåver også om det skulle kome år der banken ikkje gir utbyte. Dermed vart det både rom for å auke gåvesummen for inneverande år til rekordhøge 13 millionar – og i tillegg supplere gåvefondet for å sikre framtidige tildelingar.
Disposisjonane går elles fram i stiftinga si årsmelding for 2013, som du kan finne her.
Val til generalforsamlinga i Sparebankstiftinga Sogn og Fjordane
/i Ymse /av paal10-12. mars skal det avholdast elektronisk val til representantar i stiftinga si generalforsamling. Les meir om generalforsamlinga og kandidatane her. Les meir
Hugs sluttrapport for tidlegare gåver!
/i Ymse /av paalVi tillet oss å minne om at det er krav om sluttrapport for alle gåvetildelingar frå Sparebankstiftinga. Dersom vi ikkje har fått sluttrapport innan fristen (eller det er innvilga forlenga rapportfrist), vert det ikkje gitt nye gåver!
Hovudregelen for gåvetildelingar frå stiftinga er at det er krav om sluttrapport innan 1 år etter at gåva vart tildelt.
Vi har sidan nyttår sendt ut varsler om at dei som fekk gåver FØR 2013 må sende sluttrapport innan 1. mars, og at dei som ikkje har rapportert ikkje vil bli vurdert for framtidige gåver. Likevel manglar vi framleis nokre sluttrapportar, og då er det fortvilande at eit manglande spørjeskjema som berre krevjer 10 minuttar kan få store konsekvensar.
Sidan litt av problemet truleg er at gåvemottakarane endrar epostadresse eller tillitsvalde, velgjer vi å legge ut denne meldinga no før søknadsfristen. Vi oppmodar òg om at de tar kontakt med administrasjonen dersom de er i tvil om rapport er sendt. Det går elles an å sjekke dette sjølv; det står i kolonna til høgre for den aktuelle søknaden når ein loggar inn på (det gamle) søknadssystemet. (er rapport sendt inn, står det “Rapport er sendt”; viss rapport manglar står det “Send rapport” på ein klikkbar link – då kan ein klikke på linken for å komme til rapportskjemaet.)
KORLEIS: For å sende inn sluttrapport for tidlegare gåver, velgjer du først “Søk om midlar” på toppmenyen og klikkar så “Rapport for tidlegare gåve” på venstremenyen (du kan òg nytte denne snarvegen). Hugs at du må logge inn med same epost/passord som når du registrerte søknaden – klikk “Gløymt passord” eller kontakt administrasjonen dersom du treng hjelp med innlogginga.
Dersom de har fått gåve til eit tiltak som ikkje er fullført etter at rapportfristen er passert men framleis er planlagt fullført, kan ein søkje om anten forlenga rapportfrist eller omdisponering av midlane. Slik søknad vert sendt administrasjonen pr mail.
Elles minner vi om at vi no har lansert nytt system for å registrere gåvesøknadane, og at det førre systemet berre skal nyttast til å sende sluttrapport – gåvesøknadar registrert her vil dermed ikkje verte handsama!
Vi ber elles om forståing for at stiftinga må føre kontroll med at gåvemidlane vert nytta til føremålet framsatt i opphaveleg søknad.
Nytt søknadssystem!
/i Ymse /av paalSparebankstiftinga har utvikla eit nytt søknadssystem i samarbeid med Mediebruket, som vi lanserte 10. februar i år. NB alle søkjarar må REGISTRERE SEG PÅ NY i nytt system!
Frå og med i dag får du altså opp ei ny søknadsside når du går inn på vårt Søknadsskjema. Det følgjer i grove trekk same mønster som det førre skjemaet, så for dei fleste blir ikkje endringa særleg merkbar. Men på nokre funksjonalitetar vil ein merke endringar; til dømes velgjer du kven du søkjer for frå ein meny. Dette er for å få ein felles skrivemåte for kvart lag, og for å kryss-sjekke denne opp mot Brønnøysund (så du slepp å pugge org.nummeret…).
Vi gjer merksam på at alle må registrere seg på ny i det nye søknadssystemet, då dette ikkje er linka opp til det førre systemet.
Skal du sende inn sluttrapport for tidlegare mottekne gåver (påkravd for alle gåver), må du framleis nytte det gamle systemet. Då klikkar du først på Søk om midlar og velgjer Rapport for tidlegare gåve, og loggar inn med den same epostadressa og passordet du nytta når du sendte søknaden, akkurat slik som før.
Har du spørsmål eller kommentarar til det nye systemet? Kontakt administrasjonen! Vi hjelper deg gjerne; evt. tar imot ris og ros!
Nytt søknadssystem på veg!
/i Ymse /av paalSparebankstiftinga er i gang med å oppdatere søknadssystemet. Vi vil prøve å få overgangen til nytt system til å gå saumlaust, men beklagar dersom dette fører til “lugging” i gåvesystemet i vekene fram mot nylanseringa. Les meir
Klatreparkar i heile fylket?
/i Ymse /av paalStyret i Sparebankstiftinga har vedteke at vi ønskjer å vidareføre satsinga frå Førde, kor klatreparken vi gav gåve til har vore ein kjempesuksess. Vi har allereie løyvd ei gåve til ein tilsvarande klatrepark i Jølster no i haust, og har satt i gong ei kartlegging blant dei andre kommunane i fylket for å få oversikt over kor mange som ønskjer ein klatrepark i sin kommune.
Klatreparken i Førde kom i stand gjennom teiknekonkurransen “Barnegåva” i Firda i fjor haust, kor alle born i Sunnfjord vart inviterte til å teikne forslag til å gjere Førde sentrum betre for dei. Stiftinga, kommunen og Firda ønskte gjennom konkurransen å inkludere dei yngste i tenking kring sentrumsutvikling. Det vart ein kanonsuksess, og Firda fekk inn heile 233 teikningar frå born i alderen 2-12 år. Juryen, med Førde-ordførar Olve Grotle i spissen, fall for to av teikningane: Ulrik Nielsen (8) sitt Klatrefjell og Andreas Skålvik (11) sitt Blyantleikestativ. I tillegg til å vere flotte teikningar, var desse bidraga òg svært typiske: mange av dei innsendte teikningane var kring same tema (klatring og leikestativ).
Etter at vinnarane vart kåra, satte vi i gong med å tolke og konkretisere “bestillinga”, og resultatet vart altså klatreparken med både “blyantar” og det store “klatrefjellet”, og i september kunne ordføraren endeleg offisielt opne klatreparken i Førde. Men allereie under byggeprosessen myldra det av ungar i klatreparken, og sidan då har parken berre fortsett å myldre med entusiastisk aktivitet frå “born i alle aldrar”…
Det gjekk heller ikkje lang tid før spørsmåla byrja å kome frå andre stader i fylket om vi kunne bygge fleire. Og det vil vi gjerne! Vi har difor løyvd pengar til den neste parken allereie; den blir på Skei i Jølster. I tillegg har vi spurt alle dei andre kommunane om dei òg ønskjer ein tilsvarande klatrepark.
Det er fleire grunnar til at vi har retta spørsmålet til kommunane først. Den mest openberre er at tiltaket treng ein utbyggjar som kan ta ansvar for vedlikehald i mange år framover, og som har ei tomt på ein offentleg og sentral plass i kommunen som ein kan nytte til føremålet. Kommunane kan òg søkje om spelemidlar, dersom tiltaket er inkludert i kommunedelplanar for fysisk aktivitet. Men om kommunane evt. ønskjer å gjennomføre tiltaket via eller saman med lokale partnarar, er vi opne for å diskutere dette med kvar einskild kommune.
Men spørsmålet alle lurer på no, er sjølvsagt “NÅR kjem det klatrepark der EG bur?” Og då må vi ærleg svare at det veit vi ikkje enda. Men stiftinga har byrja med kartlegginga av kor mange kommunar som ønskjer klatrepark; og så må både vi og kommunane få litt tid på å ordne med formalitetar og praktisk tilrettelegging. Men Sparebankstiftinga ønskjer i alle fall å følgje opp med gåver til dei neste klatreparkane allereie til våren. Så håper vi nokre av kommunane er klare til å setje spaden i jorda så snart snøen smeltar…
Årets gründer heiter Melin Medical AS!
/i Ymse /av paalVinnaren av tevlinga Årets Gründer vart kåra på Temposeminaret i Florø fredag 1. november, og Melin Medical i Gloppen fekk 100.000 kroner. Dessutan vart det kåra to ekstrapremiar som fekk 50.000 kroner kvar. Les meir
Fire millionar i gåver!
/i Ymse /av paalStyret i stiftinga vedtok på styremøte denne veka å dele ut 57 gåver på til saman 4 millionar kroner til allmennyttige føremål i fylket vårt.
Styret i Sparebankstiftinga slutthandsama denne veka alle søknadane som var komne inn til søknadsfristen 1. september, og beslutta å dele ut heile 4.007.000 kroner. I dag byrjar den glade jobben med å sende ut tildelingsbrev!
Stiftinga har så langt i år motteke over 660 søknadar om til saman over 71 millionar kroner, så sjølv om stiftinga har auka rammene for gåver frå 9 millionar i 2012 til 12,5 millionar kroner i år, har vi diverre ikkje rom for å imøtekome alle søknadane. Men det blir i alle fall fleire og/eller større gåver enn i fjor!
Alle tildelte gåver vert publiserte på sida Tildelte Gåver fortløpande. Men vi gjer merksam på at vi ikkje rekk å sende ut svar til alle i dag – på grunn av mange søkjarar kan det hende de ikkje får svar på søknaden før på måndag 4. november. Vi ber om forståing for dette.