Gratis kurs i søknadsskriving i regi av musikk-organisasjonen Brak
Våre kurs i søknadsskriving har vore svært populære – og effektive, skal vi tru tilbakemeldingane frå tidlegare deltakarar: Over halvparten fortel at kursa har hjelpt dei til å hente inn meir pengar til verksemd i lag og foreningar.
Denne gongen er det musikk-organisasjonen Brak som står for kurset. Dei vil dermed supplere kursinnhaldet med informasjon om fond og støtteordningar som er særleg interessante for dei som syslar med musikk; både som lag, utøvar, produsent eller utgivar. Men Sparebankstiftinga sitt bidrag går i hovudsak ut på korleis ein søknad generelt bør formulerast, uansett kva fagområde ein syslar med. Kurset vil dermed vere relevant for alle som har planar om å hente inn pengar til verksemda. Sparebankstiftinga har naturlegvis hatt lag og foreningar mest i tankane når kursinnhaldet vart utforma, men gründerar og andre næringsdrivande som har planar om å generere midlar til verksemda har òg fortalt at dei finn kurset relevant.
Kurset går av stabelen på Scandic Sunnfjord Hotell (tidlegare Rica Sunnfjord) klokka 1700-2100 onsdag 7. januar og er gratis. Påmelding via Brak si heimeside. Påmeldingsfrist 5. januar.
Ønskjer du eit søknadskurs der du bur? Kontakt oss – alt du treng er eit lokale med plass til min. 20 menneske, så stiller Sparebankstiftinga med resten. Kurset må òg vere tilgjengeleg for andre (så langt det er plass).
Hjelper søknadskurset? I 2013 spurte vi våre kursdeltakarar om dette; 54% svarte at kurset var «veldig bra», medan 21% gav kurset toppkarakter. 51% svarte dessutan at kurset hadde ført til meir støttemidlar inn til laget/verksemda.
Strategidokument for Sparebankstiftinga
/i Ymse /av paalOpenheit er svært viktig for Sparebankstiftinga Sogn og Fjordane, difor har vi lagt ut vårt strategidokument for 2015-2018 her på nettsida vår. Les meir
Neste søknadskurs: Florø mandag 23. februar
/i Ymse /av paalEi veke før hovud-søknadsfristen vår 1. mars arrangerer vi søknadskurs i Florø. Tidspunktet for kurset er tilpassa lokale båtruter i Florø.
Vi fortset våre gratis kurs i søknadsskriving, og neste kurs-stad er Florø. Som før går kurset ut på å gå gjennom korleis ein søknad generelt bør formulerast, uansett kvar ein har tenkt å sende søknad – samt konkret om kva vilkår vi sett til søknadar og tiltak her i Sparebankstiftinga. Kurset kan vere relevant for alle som har planar om å hente inn pengar til verksemda si, men vi har hatt lag og foreningar mest i tankane når kursinnhaldet vart utforma.
Kurset går av stabelen i Sparebanken Sogn og Fjordane sine lokale i Florø klokka 1730-1930 måndag 23. februar og er gratis. Påmelding til post[at]sparebankstiftinga.no. Ingen påmeldingsfrist, men vi tek atterhald om ledig plass.
Vi serverer litt å bite i frå kl 1700, og held elles opent for spørsmålsrunde/ individuell rettleiing etter 1930 dersom det er ønskjeleg. Vel møtt!
Ønskjer du eit søknadskurs der du bur? Kontakt oss – alt du treng er eit lokale med plass til min. 20 menneske, så stiller Sparebankstiftinga med resten. Kurset må òg vere tilgjengeleg for andre (så langt det er plass).
Hjelper søknadskurset? Når vi spurte våre kursdeltakarar om dette, svarte 54% at kurset var «veldig bra», medan 21% gav kurset toppkarakter. 51% svarte dessutan at kurset hadde ført til meir støttemidlar inn til laget/verksemda.
Søknadskurs Nordfjordeid torsdag 29. januar
/i Ymse /av paalNeste kurs i søknadsskriving blir på Bryggen Hotel i Nordfjordeid 29. januar
Vi fortset serien med våre populære gratis kurs i søknadsskriving. Denne gongen er det Nordfjordeid som får besøk. Som før går kurset ut på å gå gjennom korleis ein søknad generelt bør formulerast, uansett kvar ein har tenkt å sende søknad – samt konkret om kva vilkår vi sett til søknadar og tiltak her i Sparebankstiftinga. Kurset kan vere relevant for alle som har planar om å hente inn pengar til verksemda si, men vi har hatt lag og foreningar mest i tankane når kursinnhaldet vart utforma.
Kurset går av stabelen på Bryggen Hotel klokka 1800-2100 torsdag 29. januar og er gratis. Påmelding til post[at]sparebankstiftinga.no . Ingen påmeldingsfrist, men vi tek atterhald om ledig plass.
Ønskjer du eit søknadskurs der du bur? Kontakt oss – alt du treng er eit lokale med plass til min. 20 menneske, så stiller Sparebankstiftinga med resten. Kurset må òg vere tilgjengeleg for andre (så langt det er plass).
Hjelper søknadskurset? Når vi spurte våre kursdeltakarar om dette, svarte 54% at kurset var «veldig bra», medan 21% gav kurset toppkarakter. 51% svarte dessutan at kurset hadde ført til meir støttemidlar inn til laget/verksemda.
Søknadskurs i Førde onsdag 7. januar
/i Ymse /av paalGratis kurs i søknadsskriving i regi av musikk-organisasjonen Brak
Våre kurs i søknadsskriving har vore svært populære – og effektive, skal vi tru tilbakemeldingane frå tidlegare deltakarar: Over halvparten fortel at kursa har hjelpt dei til å hente inn meir pengar til verksemd i lag og foreningar.
Denne gongen er det musikk-organisasjonen Brak som står for kurset. Dei vil dermed supplere kursinnhaldet med informasjon om fond og støtteordningar som er særleg interessante for dei som syslar med musikk; både som lag, utøvar, produsent eller utgivar. Men Sparebankstiftinga sitt bidrag går i hovudsak ut på korleis ein søknad generelt bør formulerast, uansett kva fagområde ein syslar med. Kurset vil dermed vere relevant for alle som har planar om å hente inn pengar til verksemda. Sparebankstiftinga har naturlegvis hatt lag og foreningar mest i tankane når kursinnhaldet vart utforma, men gründerar og andre næringsdrivande som har planar om å generere midlar til verksemda har òg fortalt at dei finn kurset relevant.
Kurset går av stabelen på Scandic Sunnfjord Hotell (tidlegare Rica Sunnfjord) klokka 1700-2100 onsdag 7. januar og er gratis. Påmelding via Brak si heimeside. Påmeldingsfrist 5. januar.
Ønskjer du eit søknadskurs der du bur? Kontakt oss – alt du treng er eit lokale med plass til min. 20 menneske, så stiller Sparebankstiftinga med resten. Kurset må òg vere tilgjengeleg for andre (så langt det er plass).
Hjelper søknadskurset? I 2013 spurte vi våre kursdeltakarar om dette; 54% svarte at kurset var «veldig bra», medan 21% gav kurset toppkarakter. 51% svarte dessutan at kurset hadde ført til meir støttemidlar inn til laget/verksemda.
Her er gåvetildelingane for hausten 2014
/i Ymse /av paalHar de fått gåve? Sjå fullstendig liste for haustens søknadsrunde her
Nedanfor kan du sjå kven som har fått gåve i gåverunden med søknadsfrist 1. september (NB gåver til såkalla “forenkla søknadar” vert omsøkt og tildelt fortløpande, og er ikkje med i oversikta).
I år har vi òg delt inn lista etter regionar; dvs etter regionane som banken vår SSF nyttar internt. Denne fordelinga er jo ikkje veldig kjent, så gi oss gjerne ei tilbakemelding på Facebook-sida vår om dette var OK eller ikkje!
Klar for nye gåvetildelingar!
/i Ymse /av paalOnsdag 5. november offentleggjer vi haustens gåvetildeling frå Sparebankstiftinga. Styret i stiftinga beslutta å dele ut 2.849.000 kroner av utbytet frå banken denne gongen. Les meir
Vi startar leitinga etter “Årets Gründer 2014”
/i Ymse /av paalForeslå di bedrift, eller din favoritt,
innan 1. oktober for å vere med i tevlinga om tittelen – og 100.000 kroner! Les meir
Søknadskurs i heile fylket!
/i Ymse /av paalVi har fått ei rekkje bestillingar på søknadskurs sidan vi sendte ut invitasjon om dette i går, så no blir det kurs over heile fylket fram mot søknadsfristen vår 1. september. Sjå oversikt over alle kursa her.
Søknadskurs i august (lista blir oppdatert fortløpande):
Felles for alle kursa: tidspunkt kl 1800-2100. Påmelding til post[at]sparebankstiftinga.no – hugs å presisere kvar/når du vil delta (ingen frist, men atterhald om ledig plass. Førstemann til mølla). Enkel servering. Kursmateriell blir utlevert på kurset. Kursa er gratis.
Kurset tar for seg korleis ein søknad om tilskot/gåver bør sjå ut, korleis strukturere søknaden, kva ein bør ha med, vedlegg, vilkår for tildeling osb. Kurset er utvikla spesielt med tanke på frivillige lag og foreiningar, men er relevant også for andre som treng ekstern finansiering til si verksemd.
Det blir elles fleire kurs rundt om i fylket framover som blir annonsert på desse sidene samt på Facebook etter kvart som stad/dato vert stadfesta.
Vel møtt!
Første søknadskurs på plass
/i Ymse /av paalHaustens første søknadskurs blir i Storehagen Atrium i Førde måndag 25. august.
I går gjekk vi ut med tilbod om gratis kurs i søknadsskriving, og allereie i dag vart første kurs beramma i Førde. Vertskap for første kurs er Sogn og Fjordane fylkeskommune (v/rådgjevar for fysisk aktivitet Atle Skrede), og kurset vert halde i møterommet i 1. etasje frå klokka 1800 til 2100. Påmelding til post[at]sparebankstiftinga.no (ingen frist, men atterhald om ledig plass. Førstemann til mølla). Det blir enkel servering på kurset.
Kurset er utvikla med tanke på frivillige lag og foreiningar, og skal gjere dei betre rusta til å søkje om ekstern støtte til verksemda. Elles går vi naturlegvis gjennom Sparebankstiftinga sine vilkår for å gje gåver, men kurset for øvrig fokuserer på korleis ein god søknad ser ut, kva dokumentasjon ein bør legge ved, korleis ein bør strukturere søknaden osb. Slikt sett er kurset relevant for nær sagt alle som søkjer ekstern finansiering til si verksemd.
Sparebankstiftinga fekk stor respons når søknadskurset vart lansert for to år sidan, og første kurs mønstra heile 120 deltakarar. I løpet av eit år deltok kring 600 på kurset, som fekk svært gode skussmål. Vi er overtydd om at kvaliteten på søknadane hit til Sparebankstiftinga er betre som følgje av kursa, og voner dette også vil styrkje fylkets lag og foreiningar i kampen om nasjonale støttekroner på sikt.
Vil du ha gratis søknadskurs på heimebane?
/i Ymse /av paalVi startar opp att våre populære kurs i korleis skrive gode søknadar om støttemidlar. Kursa varer i ca 3 timar, og Sparebankstiftinga stiller både kurshaldar og møtemat.
Kort etter oppstarten av Sparebankstiftinga i 2011 vart det skipa søknadskurs i Førde, som mønstra heile 120 påmelde og fekk veldig gode tilbakemeldingar. Tilbodet vart difor vidareført, og i løpet av eit år hadde meir enn 600 eldsjeler i fylket vore på kurs.
Sparebankstiftinga vil difor vidareføre kursa etter same mal som før: berre du ordnar tak over hovudet til kring 20 kursdeltakarar for ein kveld – så kjem vi til deg; kor som helst i Sogn og Fjordane fylke. Finn ein dato som passar, og ring eller send ein mail hit til oss. Kursa er vanlegvis frå kl. 1800 til 2100 på kvelden, men dette kan sjølvsagt tilpassast. Kurset må òg vere tilgjengeleg for andre lag/eldsjeler (så langt det er plass).
NB ver rask dersom du ønskjer kurs før søknadsfristen 1. september – vi treng helst to vekers planleggingstid pr kurs. (men kursa er tilgjengelege i heile haust)
Men hjelper søknadskursa? Til sjuande og sist er det jo sjølve tiltaket som skal vurderast, og ikkje søknadsformuleringa. Men kurset gir deg hjelp til å fortelje om tiltaket på ein klar og tydeleg måte, og gjere det lettare å få auge på kvalitetane i tiltaket. I vår undersøking frå 2013 svarte ca 54% at kurset var “veldig bra” – medan 21% gav kurset toppkarakter. 51% svarte dessutan at kurset hadde ført til meir støttemidlar inn til laget/verksemda – også frå andre støtte-ytarar enn Sparebankstiftinga. Så vi kan med handa på hjartet seie at søknadskurset har vore til god hjelp for mange!